Kreppa hvað?

Ef að það er ekki tími til að skála núna. Veit ég ekki hvenær það er!! 

Við erum bæði búin að borga allt. Þvílík hamingja:) 

Nú er ekkert eftir nema að safna stuttbuxum, finna sólhattinn og æfa sig í að fara ekki í sturtu svo dögum skiptir! 

Undirbúningur

Jæja Hlynur!! nú geturu hætt að hringja í mig í nóttunni og væla yfir því að þig langi svo í blog. Gjörðu svo vel minn kæri!

 

Undirbúningur ferðarinnar hefur gengið upp og ofan. Svona eins og eðlilegt er þegar ég kem við sögu. Við getum ekki farið mörgum sögum um heppni mína. Með eindæmum óheppin hnáta. Ef að e-mailið mitt krassar ekki (með ÖLLUM já ÖLLUM upplýsingum og flugferðir, staðfestingar nr og bréfum til of frá Afríku, USA og UK) Þá neitar bankinn að millifæra fyrir mig á milli landa. Farin að halda að ég verði étin af ljóni þarna úti, ef ég held áfram að storka örlögunum og þrjóskist við og fari þrátt fyrir hreinar og beinar vísbendingar um það að halda mér heima.

En á meðan það er ljón sem endar lífdaga mína en ekki eigin saur þá er ég nokkuð sátt bara.  Það er nebbla víst þannig að um 16.000 manns í Zimbabwe (þar sem við ætlum að eyða rúmum mánuði af næsta ári) sýktir af Kóleru og um 800 manns dauðir. Fyrir þá sem ekki vita þá veldur þessi veira óstjórnlegum niðurgangi sem svo dregur fólk til dauða. 

Við höfum farið í tvær heimsóknir til nýja læknisins okkar hennar Kai sem sér um það að við verðum eins og tveir útstungnir grísir yfir jólahátíðina. Ekki nema sex sprautur komnar og enn fleiri á leiðinni.  Einn skammtur af þessum yndislega kólerudrykk kominn og vangaveltur um hvora tegundina af malaríulyfjum við eigum að splæsa í hafa valdið ófáum andvökunóttum. Enda verðmunurinn hlægilega mikill. Spurning hvort að það sé ekki bara fjör að vera haldin ofskynjunum, krydda þetta aðeins.

 Gjaldeyrinn er kominn í hús, og hef ég aldrei ÁTT eða haldið á svona mörgum dollurum og pundum á minni löngu ævi.

Hugsunin um að standa á flugvellinum í kenya verður raunverulegri með hverjum deginum. Annars er þetta bara góð saga að segja og trúi ég því engan veginn sjálf að þetta sé að fara að gerast í alvöru.  

Litli ljónatemjarinn kveður í bili:)